Dahiliye nezareti muhaberat-ı umumiye dairesi Şube 4
Evrak numerosu 642
Kaleme vürudu tarihi 8 teşrinievvel 325
Tarih-i tesvid 8 minhu
Tarih-i tebyiz 11 minhu
Sivas vilayet-i behiyyesine
Hülasa: koçgiri kazasının sinek karyesi müteneffizandan vuku bulan şikayete dair
Koçgiri kazasının karyesindeki bazı müteneffizan[1]ın zulm ve taaddisinden şikayeti havi yol oğlu ismail bin mehmed imzasıyla sofya sefaret-i seniyyesine verilip hariciye nezaret-i celilesinden tevdi kılınan arzuhal ve mektub leffen gönderilmekle münderecatına nazaran tahkikat-ı lazıme icrasıyla icabının tebeyyün edecek hale göre muamele-i kanuniye ifa buyurulması babında
[27]
Bab-ı ali Nezaret-i hariciye Umur-ı siyaset müdüriyet-i umumisi
Devair ve vilayat kalemi
Aded 642
Hülasa: koçgiri kazasının snk karyesinden ismail bin mehmed oğlunun arzuhali gönderildiğine dair
Melfuf 2
Dahiliye nezaret-i aliyyesine
Saadetlü efendim hazretleri
Koçgiri kazasının sinek karyesinin bazı müteneffizanın zulm ve taaddisinden şikayeti havi mezkur karye ahalisinden ismail mehmed resul oğlunun ita eylediği arzuhal ile bu babda biraderinden ahz ve tevdi ettiği mektubun gönderildiği sofya sefaret-i seniyyesinden ba-tahrirat bildirilmiş ve zikr olunan arzuhal ile mektup leffen tesyir[2] kılınmıştır ifa-yı icabı menut-ı rey-i vala-yı nezaret-penahileridir emr ü irade efendim hazretlerinindir.
Fi 29 ramazan 327 ve fi 1 teşrinievvel 325
Hariciye nazırı
Rıfat
[1] Nüfuzlu kimseler.
[2] Göndermek.