0077
Dahiliye nezareti kalem-i mahsus müdüriyeti
Tarih-i tebyiz: 15 ağustos sene 35
Huzur-ı sami-yi cenab-ı sadaret-penahiye
Şaki-yi meşhur Hirisyantos’un refiki zafiri’yi derdest ettiği esnada merkum tarafından atılan kurşun boş böğründen girerek arkasından çıkmış olduğu halde azminde sebat ile merkumu altı kurşunla bil-mukabele ceriha-dar ve derdestini temin etmiş olan polis müdüriyet-i umumiyesi ikinci şube müdür muavini Faik beye yüz elli lira ikramiye itası bit-tensib …. teala yarın icra-yı icabı mukarrer olduğu gibi kendisinin üçüncü rütbe osmani nişanı ile taltifi hakkında tanzim olunan irade-i seniyye layihası da leffen takdim kılınmıştır.
Nişan-ı mezkur elyevm hastahanede taht-ı tedavide bulunan muavin-i mumaileyhin seniyye-i şecaat ve himmetine yarın bizzat ta’lik olunabilmek üzere icab eden irade-i seniyyenin lutfen bugün istihsal ve tebliğine müsaade buyurulması babında
0078
İrade-i seniyye
Şaki-yi meşhur Hirisyantos’un refiki zafiri’nin derdestini temin eden polis müdüriyet-i umumiyesi ikinci şube müdür muavini faik beye üçüncü rütbe osmani nişanı ita kılınmıştır. İrade-i seniyyenin icrasına dahiliye nazırı memurdur.
0079
Tarih-i tesvid: fi 17 ağustos sene 335
Polis müdüriyet-i umumiyesine
Şaki-yi meşhur Hirisyantos’un refiki zafiri’nin derdesti hususunda ibraz müessir müzakari eden müdüriyet-i umumiye ikinci şube müdür muavini faik beyin üçüncü rütbe osmani nişan-ı zişanıyla taltifi …… müsaade-i seniyye-i cenab-ı padişahi olmuştur ol babda
0080
1168
Mehmed vahideddin
İrade-i seniyye suretidir
Şaki-yi meşhur hirisyantos’un refiki zafiri’nin derdestini temin eden polis müdüriyet-i umumiye ikinci şube müdür muavini faik beye üçüncü rütbe osmani nişanı ita kılınmıştır.
Bu irade-i seniyyenin icrasına dahiliye nazırı memurdur. Fi 18 zilkade sene 1337 ve fi 16 ağustos sene 1335
Dahiliye nazırı
Adil
Sadr-ı azam
Damad ferid
Aslına mutabıktır
0081
55
Dahiliye nezaret-i aliyyesine
15 ağustos sene 335 tarihli ve 7416 numerolu tezkire-i aliyye-i nezaret-penahileriyle inha buyurulduğu üzere polis müdüriyet-i umumiyesi ikinci şube müdür muavini faik beye üçüncü rütbeden nişan-ı ali-yi osmani itası hakkında bil-istizan-ı şeref-müteallik buyurulan irade-i seniyye-i cenab-ı padişahinin suret-i musaddakası leffen takdim kılınmış olmağla ol babda emr ü ferman hazret-i menle-ül-emrindir.
Fi 18 zilkade sene 337 ve fi 16 ağustos sene 335
Teşrifat müdür-i umumisi