0062-1490
Dahiliye nezareti muhaberat-ı umumiye dairesi Şube 4
Evrak numerosu: 52
Tarih-i tesvid: 24 mayıs sene 328
Tarih-i tebyiz: 26 minhu
Sivas vilayetine telgraf
Ümraniye’den çekilen 66 numerolu telgrafname kopyasının mütalaasıyla bit-tahkik iktizasının ifa ve inbası
0063
Sivas vilayeti
Tahrirat kalemi
Umum 8724
Mahsus 243
Zara’nın kapu mahmud karyesinden mektum kalan nüfusun muamele-i askeriyesine dair
Dahiliye nezaret-i celilesine
Devletlü efendim hazretleri
Şeref-varid olan 26 mayıs sene 328 tarihli telgrafname-i ali-yi nezaret-penahileri cevabıdır zara’nın kapu mahmud karyesinden manzur oğlu ali ve iki refiki imzasıyla ümraniye’den keşide kılınan telgrafname sureti celb ve mütalaa edildi mektum kalmalarından dolayı esnan-ı nizamiyeleri tecavüz eden aşairin asker edilmekte olduğundan ve halbuki
ceride-i nüfusa kaydları hakkında evvelce hükümet-i mahalliyeye müracaat etmişlerse de kaza nüfus kuyudatı muhterik olub tahrir-i cedidde kaydları icra kılınacağı cevabı verildiğinden bil-bahs sinlerine nazaran dahil oldukları sunuf-ı askeriyeye kaydları suretiyle bakaya kanunundan istifadeleri esbabının istikmalini istirhamdan ibaret olmasıyla bunların is’af-ı istid’alarına kanunen imkan olub olmadığı sivas fırka kumandanlığından ve hakikat-ı hal zara kaymakamlığından isti’lam olunmuşidi kaymakamlıktan alınan cevabnamede redif kumandanı muayene-i ibtidaiye için karada olub bunlar hakkındaki muamele anlaşılamamış ise de teşekkül edecek ahz-ı asker meclisince o misüllü nüfus-ı mektuma hakkında ber-mucib-i kanun tevellüdleri nisbetinde muamele olunacağı bildirilmiş ve fırka kumandanlığından alınan tezkire-i cevabiyede dahi müsted’ilerin ifadeleri sahih ve fil-hakika evvelce müracaat edip de kazanın muhterik olan nüfus kuyudatının tahriri esnasında bakaya kanununun şamil olduğu aftan istifade ettirileceği cevabı verilmiş ise bakaya kanunu mucibince sinlerine göre sunuf-ı askeriyeye nakilleri hususu üçüncü redif müfettişliğinden meblağ-ı harbiye nezaret-i celilesinin iş’arına binaen mezkur redif kumandanlığına yazıldığı iş’ar edilmiş ve nezaret-i müşarünileyhanın iş’arı dairesinde muamele ifası kaza-yı mezkur kaymakamlığına tebliğ kılınmıştır ol babda emr ü ferman hazret-i menle-ül-emrindir.
Fi 14 receb sene 330 ve fi 16 haziran sene 328
Sivas valisi
0064
Telgrafname
Dersaadet dahiliye nezaret-i celilesine
Devr-i sabıkta aşairimizin saha-i hayattan kısmen mektum kalmış tulu’-ı etvar ….. af-ı umumi esnasında müracaatımızda palu hükümet konağının muhterik olmasından tahririmiz tehir üç yüz yirmide umum nüfusumuz tahririnde ma’-aile külli nüfus kayd ….. otuz kırk yaşlarında olduğumuzdan gayr-ı müslim hakkındaki müsavat hakkımızda reva görülmeyerek esnan-ı nizamiyemizin geçmesi aranılmayarak …… denilerek asker edilmekteyiz şu devr-i tecerrüd müddetine ki vaz’-ı kıdem eden …. gibi aşairin aftan müstefidin esnan-ı ……mizin emsali sınıflarına
0065
Dahil buyurulmaklığımız isyanın istikmali müteferri’dir.
Umum namına Sivas’a tabi Zara’nın Kapu Mahmud karyesinden maksud oğlu ali