Evrak numerosu: 1489
Tesvidi tarihi: 11 şubat sene 302
Tebyiz tarihi: 15 şubat sene 302
Huzur-ı ali-yi hazret-i sadaret-penahiye
İrade-i seniyye-i hilafet-penahiyi meblağ iş bu tezkire-i samiye-i hidiv-i azamileri ….. tazim ve tekrim olarak hükm-i emr ü ferman-ı hümayun-ı cenab-ı padişahi telgrafla sivas vilayetine tebliğ kılınmıştı ol babda cevaben alınıp sureti melfuf-ı mezburun iadeten takdimiyle beraber merfu’ pişgah-ı sami-yi sadaret-penahileri kılınan telgrafta istida’-yı vakıa’nın sırf kizb ü hilaf olub le-ül-hamd ….he-i şahanede vilayetin ……fat-i sairesinde olduğu gibi Zara’da da emniyet ve istirahat-i umumiyenin berkemal bulunduğu ve bu hali musaddak olmak üzere mahallinden olunan isti’lam üzerine varid olub ermeni reis-i ruhani vekilinin ve ermeni azasının dahi mühür ve imzalarını havi bulunduğu halde posta ile derdest …. olan mazbatada gösterileceği vechile zahire hiç bir sebeb ve mucib yok iken mücerred bir kaç müfsidin reis-i ruhani vekilini bil-iğfal meclis-i ruhaniye mahsus mührü alarak bu suretle tazayyu’ eyledikleri telgrafa basdıkları tebeyyün etmiş olduğu ve bunların maksadları seksen sekiz tarihinde nasılsa komşuları olan müslümanların bazı ileri gelenlerinden aldıkları senedin icra-yı ahkamını mütalebe vesilesiyle bazı iddialarını meydana koymaktan ibaret olarak yoksa …..te emniyet-vaye-i hazret-i mülukanede şimdi mucib-i şikayet hiç bir hal mevcud olmadığı gösterilmiş ve mezkur sened suretiyle mazbatanın vürudunda anların dahi arz ve takdim kılınacağı derkar bulunmuş olmağla
0040
Tezkire-i samiye suretidir
23
Sivas’a merbut Zara kasabasında ahali-yi müslime ile beraber oturmakta olduklarından bahisle mahallelerinin tefriki istidasını havi Koçgiri Kazası Ermeni meclis-i ruhanisi tarafından keşide olunub led-el-arz manzur-ı ali olan telgrafname üzerine Ermenilerin mahallelerinin tefriki caiz olamayacağından kendileri hakkında rivayet olunan uygunsuzluğun …. mahalli hükümetince çare bulanarak mucib-i şikayet bir hal vuku’una meydan verilmemesi mabeyn-i hümayun-ı mülukane baş kitabet-i celilesinden selh-i cemaziyülahir sene 305 tarihli tezkire-i hususiye ile tebliğ olunan irade-i seniyye-i cenab-ı padişahi iktiza-yı alisinden bulunmuş ve mezkur telgrafnamenin sureti leffen irsal kılınmış olmağla ber-mantuk-ı irade-i seniyye iktizasının ifasına himmet buyurulması siyakında tezkire-i senaveri terkim olundu efendim fi 3 cemaziyülahir sene 305 ve fi 3 şubat sene 303