Evrak numerosu 158
Tesvidi tarihi fi 8 receb 90
Tebyizi tarihi fi 9 receb 90
Sivas vilayet-i celilesiyle telgraf nezaret-i behiyyesine
Sivas ile Erzincan beynindeki telgraf hattının Koçgiri kazasının merkezi olan zara kasabasına rabtı ve oraya bir aded makine vaz’ı lazım gelerek iktiza eden telgrafhanenin taraflarından dört bin guruş sarfıyla inşası ve mezkur telgrafhanenin hitam-ı inşaatına kadar muvakkaten istihbar olunan mahallin dahi tesviye-i bedel-i icarı ehl-i servet ve hamiyyet taraflarından taahhüd olunduğu işar-ı mahalliden ve kasaba-i mezbure telgraf memurlarına şehri tahsisi icab eden altı yüz elli guruşun zara telgrafhanesinden tasarruf edilen mebaliğden olmak üzere seksen dokuz senesine mart ibtidasından itibaren tahsis kılındığı dahi maliye nezaret-i celilesi canibinden vuku bulan işardan anlaşılmasına mebni zikr olunan telgrafhanenin ol vechile inşasıyla hat-ı mezkurun kasaba-i mezbureye temdidi şura-yı devlette tezekkür ve tensib olunarak bilad-ı seniyyesine irade-i seniyye-i cenab-ı padişahi dahi ol merkezde müteallik buyurulmuş [I] ve keyfiyet sivas vilayet-i celilesine bildirilmiş olmağla nezaret-i behiyyelerince dahi iktizasının ifasına himmet olunması siyasında tezkire [I] ve keyfiyet telgraf nezaret-i behiyyesine bildirilmiş olmağla oraca da iktiza-yı halin icrasına himmet buyurulması siyakında şukka
Telgraf