Telgrafname
Vusul numerosu: 86455
Mahal-i irsali: sivas
Numerosu: 12818
Kelime: 195
Dahiliye nezaret-i celilesine
c. 7 şubat sene 303 Ermeni meclis-i ruhanisi imzasıyla Zara merkezinden keşide kılınan telgrafından münderecatı sırf kizb hilaf olub le-ül-hamd saye-i şahanede vilayetin mülhakat-ı sairesinde olduğu gibi Zara’da da emniyet ve istirahat-ı umumiye berkemal bulunduğu fi 24 kanunusani sene 303 tarihli telgraf mazbatasıyla resen ve fi 4 şubat sene 303 telgrafla da cevaben huzur-ı ali-yi sadaret-penahiye arz olunmuşidi mahallinden bil-isti’lam cevaben varid olub Ermeni reis-i ruhani vekilinin ve ermeni azasının dahi mühür ve imzalarını havi bulunduğu halinde dünkü gün hareket eden postaya tevdi’an ba-ariza-i mufassala takdim kılınan mazbata mütalaasından da müsteban olacağı vechile zahirde hiç bir sebeb mucib yok iken mücerred bir kaç müfsid reis-i ruhani vekilini bil-iğfal anda mahfuz olan meclis-i ruhaniye mahsus mührü alıp tazayyu’ eyledikleri telgrafa basdıkları tahakkuk etmiştir mezkur ariza-i çakeranemde beyan olunduğu vechile bunların maksadları seksen sekiz tarihinde nasılsa komşuları olan müslümanların bazı ileri gelenlerinden alıp sureti ariza-i mezkureye leffen takdim kılınan bir senedin icra-yı ahkamını mütalebe vesilesiyle bazı müddeiyat ve ahali-yi kadimelerini meydana koymaktan ibaret olub yoksa saye-i şahanede şimdi mucib-i şikayet hiç bir hal muvcud bulunmadığını tekrar arz ve te’min eylerim ferman fi 8 şubat sene 303
Vali-yi Sivas Sırrı-0043-47
Mezkur tahrirat-ı adliye nezaret-i celilesine ….. üzere kaleme havale buyurulmuştur. Fi 19 teşrinisani sene 303